Линктер

шаршемби, 7-декабрь, 2016 Бишкек убактысы 01:58

Казакстанда кармалган кыргыз жарандары боюнча тараптар сүйлөшөт


Бул туурасында өткөн аптада Кыргызстандын вице-премьер министри Токон Мамытов Казакстандын аймагында кармалып жаткан кыргыз жарандарынын туугандарын кабыл алууда билдирген. Анын айтымында, бул иш боюнча бүгүн Бишкекке Казакстандан өкүлдөр келиши керек.

Андан соң 27-августта Токон Мамытов Казакстанга сүйлөшүүлөргө барат. Ал Тышкы иштер министрлигине жана Кыргызстандын Алматыдагы консулдугуна кармалган жарандардын абалынан кабар алуу тапшырмасын бергенин билдирди.

Ушул жылдын июнь-июль айларында Казакстан “чек араны бузду” деп 13 кыргызстандык жаранды кармап кеткен. Кийин алардын экөөсү бошотулган. Ушул тапта 11 жаран Казакстанда убактылуу кармоо жайларында кармалып турганы айтылууда.(BkA)

Азаттык Фейсбукта

XS
SM
MD
LG