Талиб согушкерлери АКШнын Нангархардагы согуштук базасына кол салуу жасаганын кабарлады. НАТО өз билдирүүсүндө Пакистан менен чек арадагы Торкхам аймагында турган базага бүгүн эртең менен кол салуу болгондугун бышыктады, бирок эл аралык аскерлер менен ооган коопсуздук күчтөрүнөн эч ким жапа чеккен жок деп ырастады. Кабарларга караганда, кол салгандардан аз дегенде үчөө окко учту.
