Эртең Бишкекте өтө турган Шахай кызматташтык уюмунун саммитин 400дөн ашуун кабарчы чагылдырат. Бул тууралуу бүгүн "Азаттыкка" Тышкы иштер министрлигинен кабарлашты. Аккредитациядан 350 чет өлкөлүк журналист жана 100дөн ашуун жергиликтүү кабарчы өткөн. Алардын көпчүлүгү "Ак-Кеме" мейманканасында атайын ачылган пресс-борбордо иштейт. Ал жерде саммит өтүп жаткан "Ала-Арча" резиденциясынан түз эфир көрсөтүлүп турат. (RK)
