Өзбек президенти Ислам Каримов Бишкекке учуп келди. "Манас" аба майданынан аны премьер-министр Жантөрө Сатыбалдиев тосуп алды. Президент Алмазбек Атамбаев менен Ислам Каримовдун жолугушуусу "Ала-Арча" резиденциясында өтөт. Эртең Бишкекте Шанхай кызматташтык уюмунун саммити болгону жатат. Буга чейин ага катышуу үчүн Кытай, Тажикстандын президенттери келген. Дагы казак, орус лидерлеринин келиши күтүлүүдө. Ал эми уюмдагы беш байкоочу өлкөнүн ичинен Иран, Ооганстан жана Монголиянын президенттери, Индия тышкы иштер министри менен Пакистандын премьер-министринин кеңешчиси келишти. (RK)
