Бул тууралуу Орусиянын президенти Владимир Путин Бишкектеги ШКУнун жыйынында билдирди. Анын айтымында, Орусия Сириянын химиялык куралын эл аралык коомчулук көзөмөлүнө өткөрүү планын сунуштаган соң бул өлкөдө аскерий кол салуу коркунучу азайды. Путин Сирия бүгүнтөн тарта БУУнун химиялык курал колдонууга тыюу салган конвенциясына толугу менен кошулганы тууралуу маалымат келип түшкөнүн да билдирди. ШКУнун алкагында мындай демилгени колдоого чакырган орус президенти чыр-чатакты жөнгө салууга уюмга мүчө өлкөлөрдүн тыгыз байланышы керектигин кошумчалады. (BkA)
