Линктер

logo-print
жекшемби, 04-декабрь, 2016 Бишкек убактысы 20:28

Баткендин тургунун тажик милициясы кармап кетти


11-сентябрда Тажикстандын Исфара шаарында Самаркандек айылынын тургуну Рахматбай Тагаевди кармап кетишкен. Жанында жубайы Мархамат Назарбаева да болгон. Анын айтымында, тажик күч кызматтары эч нерсе түшүндүрбөстөн эле күйөөсүн алып кетишкен.

Тууганынан эч кандай кабар албаган Тагаевдин жакындары бүгүн өкмөттүн Баткендеги ыйгарым укуктуу өкүлүнө жардам сурап кайрылышты. Алар менен жолуккан Баткен облусунун прокурору Латип Пазыловдун айтымында, тажик милициясы Самаркендек айылынын тургуну "маңзат сактайт" деп шектелгенин, аны менен кошо дагы эки тажик милиция кызматкери кошо кармалганын билдирген. Баткендеги укук коргоо органдары бул окуя боюнча эки тараптуу сүйлөшүү жүргүзүлөрүн билдирди. (JsA)

Азаттык Фейсбукта

XS
SM
MD
LG