Ушу тапта "Ала-Арча" мамлекеттик резиденциясында Орусия жана Ооганстандын президенттери Владимир Путин менен Хамид Карзайдын жолугушуусу өтүүдө. Кабарчыбыздын айтымында, андан кийин Орусия башчысы Ирандын президенти Хасан Роухани менен, андан соң Кыргызстандын жетекчиси Алмазбек Атамбаев менен жолугат. Бүгүн Бишкекте Шанхай кызматташтык уюмунун саммити өттү. Ага казак, кыргыз, кытай, орус, тажик, өзбек президенттери катышты. Ошондой эле ШКУнун байкоочусу болгон Монголия, Иран, Ооганстан президенттери менен кошо Индия, Пакистандын да расмий өкүлдөрү катышты. (RK)
