Ушу тапта Сочи шаарында өтүп жаткан Жамааттык коопсуздук келишим уюмунун саммитинде Сирия маселеси да каралат. Кыргызстандын тышкы иштер министрлигинен кабарлашкандай, ага чейин өткөн ЖККУнун башкы дипломаттарынын жыйынында президенттер кабыл ала турган Сирия боюнча билдирүүнүн долбоору кабыл алынды. Ошондой эле Тажикстандын Ооганстан менен чек арасын бекемдөөгө жардам көрсөтүү тууралуу чечимдин да долбоору каралды. Жалпысынан быйыл ЖККУда Кыргызстандын төрагалыгы эффективдүү болгону айтылды. ЖККУга алты өлкө мүчө. Алар - Армения, Беларус, Казакстан, Кыргызстан, Орусия жана Тажикстан. (RK)
