Ноябр айында Вашингтондо Кыргызстан-АКШ бизнес-форуму өтөт. Бул тууралуу Кыргызстандын Тышкы иштер министрлигинен кабарлашты. 18-сентябрда АКШдагы кыргыз элчилиги бул өлкөнүн Жеке инвестициялар корпорациясы менен видеоконференция уюштурду. Кыргызстандагы инвестициялык мүмкүнчүлүктөр тууралуу айтып берди. Чет өлкөлүк жеке инвестициялар корпорациясы АКШдагы өкмөттүк эмес уюм болуп эсептелет. Ал бөлүп берген 16 миллиард долларга 103 өлкөдө экономикалык долбоорлор ишке ашууда. (RK)
