АКШ Иран менен ачык сүйлөшүүгө даяр

АКШнын мамлекеттик катчысы Жон Керри Вашингтон Ирандын жаңы өкмөтү менен карым-катнаш курууга даяр экенин айтты.

Бирок мамлекеттик катчы эки өлкөнүн 1979-жылы үзүлгөн мамилелерин кайра калыбына келтирүү үчүн ачык-айкын кадамдар жасалышы керектигин эскертти.

- Ирандын талаштуу атомдук программасы боюнча эл аралык талаптарга жооп берүүгө даярдыгын сынап көрүү мүмкүнчүлүгүн Тегеранга берүү керек, андай кылынбаса бул “дипломатиялык одоно ката” болот,- деп сыпаттады Керри.