Линктер

ЧУКУЛ КАБАР!
28-Март, 2024-жыл, бейшемби, Бишкек убактысы 15:47

“Манас-2” терминалы транзит залы катары колдонула баштайт


Кийинки аптадан баштап Улан-Батордон учуп келчү каттам экинчи терминалга киргизилип, кайра учурууга аракет көрүлүүдө. Бул тууралуу “Азаттыкка” “Манас” эл аралык аэропортунун вице-президенти Нурлан Мамыров кабарлады.

“Манас-2ни” үлгүлүү терминал катары өнүктүрөлү деген оюбуз бар. Азыр бүт авиакомпаниялар менен кимиси экинчи терминал аркылуу жүргүнчүлөрдү ташыганга даяр экенин сүйлөшүп жатабыз. Азырынча эки-үч компания макулдугун билдирди. Алар да өз мүмкүнчүлүгүн изилдеп жатышат. Эгер бул ишке ашса экинчи терминал аркылуу жөнөкөй жүргүнчүлөр уча баштайт. Убагында муну бир үй-бүлө үчүн гана куруп койгон. Кыргызстан эли бул терминалдан учууга татыктуу жана укуктуу”, - дейт Мамыров.

Экинчи терминал “Манас” аэропортунун каражатынын эсебинен курулган. Эми аэропорт аны өз балансына алууну пландап жатат. Ошондой эле аэропорт жетекчилиги анын тейлөө стандарттарын жогорулатуу максатын көздөөдө. (КЕ)

XS
SM
MD
LG