Бүгүн Бишкекке Орусиянын Федералдык жыйынынын Мамлекеттик Думасынын төрагасы Сергей Нарышкин келет. Орус элчилигинен кабарлашкандай, эки күндүк расмий сапар учурунда Нарышкин кыргыз президенти Алмазбек Атамбаев, парламент төрагасы Асылбек Жээнбеков менен жолугат. Эки тараптуу мамлекет жана парламент аралык кызматташтыкты бекемдөө маселелери талкууланат. Мамдума башчысы ошондой эле Борис Ельцин атындагы Кыргыз-Орус Славян университетинде, Канттагы авиабазада болот жана Жогорку Кеңештин 75 жылдыгына арналган иш-чараларга катышат.(RK)
