Линктер

logo-print
ишемби, 03-декабрь, 2016 Бишкек убактысы 23:58

Мунай заводду чийки зат менен камсыздоо чечиле элек


Бул тууралуу экономика министри Темир Сариев билдирди. Сариевдин 16-октябрда Бишкекте маалымат жыйында маалымдашынча, чийки затты Орусия жана Казакстандан алып келүү мүмкүнчүлүгү бар.

- Биз Бажы биримдигине мүчө эмеспиз жана Орусия менен күйүүчү май тууралуу келишимге ылайык, бир катар маселелер бар. Келишимге ылайык, жылына Орусиядан 1 миллиард тоннага жакын бажы төлөмү кошулбаган күйүүчү май алынат. Учурда Кыргызстан бул майдын кандайдыр бир көлөмүн чийки зат түрүндө алууну сунуштап жатат,-дейт Сариев.

Министр Москва Кыргызстан берген сунуштарга көнбөсө, өлкөнүн өзүндө мунай өндүрүүнү көбөйтүү жагы караларын кошумчалады.

Кытайлык “Чайна Петрол Компани” ишканасы Кара-Балтадагы мунай заводун 2009-жылдан тарта кура баштаган. Заводду тезирээк бүтүрүп, ишке киргизүү боюнча Кыргызстандын президенти Алмазбек Атамбаев былтыр жазында Кытайга барганда макулдашкан. Заводду курууга жалпысынан 300 миллион доллардай инвестиция салынган. Бул ишканадан жылына 5 миллиард сомго чейин салык түшүп, жүздөгөн адамдар иш менен камсыз болоору айтылган. Учурда мунай завод тесттик режимде иштеп жатат. Азыр чийки зат алып келүү жагы каралууда.(EBM)

Азаттык Фейсбукта

XS
SM
MD
LG