Интернетте маалымат табууда бекер кызмат көрсөтүп, жарнаманын эсебинен иштеген Гуглдун (Google) акциялары биринчи жолу бир миң доллардык чектен өттү. Гугл акциялары кечээ 1015 доллардан бааланды. Мунун алдында Калифорнияда жайгашкан компания үчүнчү кварталда таза кирешеси 36 пайызга өскөнүн кабарлаган эле. Ютуб видео бөлүшүү сайтына жана чөнтөк телефонундагы Андроид операциялык системасына ээлик кылган Гуглдун акциялары акыркы беш жылда эки эсе кымбаттады.
