Ооганстан менен Тажикстан президенттери Дүйшөмбү шаарындагы жолугушууда чет өлкөлүк контингент ооган жергесинен кеткенден кийин коопсуздукту камсыздоо чараларын талкуулашты. Эмомали Рахмон Тажикстан Ооганстанга терроризм жана экстремизмге каршы күрөшүүгө жардам берет деп ишендирди. Лидерлер Тажикстан, Ооганстан жана Түркмөнстанды байланыштырган темир жол салуу жаатындагы кызматташтык, Кыргызстан жана Тажикстандан Ооганстан менен Пакистанга электр энергиясын экспорттоо долбоорун кеп кылышты. Хамид Карзайдын эки күндүк визити учурунда 3 келишимге кол коюлаары күтүлүүдө.
