Линктер

шаршемби, 26-апрель, 2017 Бишкек убактысы 04:31
Канадалык алтын өндүргөн "Центерра Голд" компаниясынын акциялары калыбына келе баштады. Кечээ Жогорку Кеңеш кыргыз өкмөтүнө Кумтөрдөгү үлүштү көбөйтүүнү сунуштап, Канаданын алтын кенди иштеткен компания менен 23-декабрга чейин сүйлөшүүнү аягына чыгарууну тапшыргандан кийин бир акциянын баасы кескин түрдө 1 канада доллары 38 центке (C$1.38) түшүп кеткен. Акциялардын бир күндө бир доллардан көп түшүүсү кескин арзандоо болуп саналат.

Торонто фондулук биржасы Бишкек убактысы боюнча саат 19:30 ачылат. "Центерра Голддун" акциялары 24-октябрдагы сооданы көтөрүлүү менен баштады. Баалуу үлүш кагаздары 15 центке кымбаттап, учурда бир акция 4 канада доллары 25 центтен (C$4.25) сатылууда. Торонто убактысы боюнча саат 10:00 "Центерранын" 115 миң акциясы сатылды.

Кечээ баалуу үлүш кагаздар 4 канада доллары 10 цент (C$4.10) көрсөткүчүндө жабылган. Торонто жайгашкан Канаданын Онтарио штаты Кыргызстандан 10 саат артта.

"Центерра Голддун" акцияларынын акыркы жылдагы эң төмөн көрсөткүчү июлда – 3 канада долларына (C$3.00) түшкөн. Эң бийик көрсөткүчү былтыр ноябрда 11 канада доллары 64 центке (C$11.64) көтөрүлгөн. (BAz)

Азаттык Фейсбукта

XS
SM
MD
LG