Линктер

жекшемби, 30-апрель, 2017 Бишкек убактысы 09:32
Жарандык авиация агенттигинин учуу коопсуздук талаптарына жооп бербегендигине байланыштуу Талас областындагы жападан жалгыз аба майдан убактылуу жабылганын "Азаттыкка" аталган агенттиктин директору Эркин Исаков кабарлады. Шаардын түштүгүнөн орун алган аэропорттун учуп-конуу тилкесинде учактарга кооптуу жаракалар пайда болуп, бекеттин жабдыктарынын эскилиги жеткен.

Деңиз деңгээлинен 1266 метр бийиктикте жайгашкан Таластагы аба майдан 1940-жылдары ишке берилген, учурдагы учуп-конуу тилкеси жана аэробекет имараты 1979-жылы курулган. Аэропорттун 1700 метрлик учуп-конуу тилкеси 22 тоннага чейинки учактарды күндүзү гана кабыл алууга жарамдуу болуп салынган. Талас аба майданынын жүргүнчү өткөрүмдүүлүгү саатына 50 адам.

Акыркы жарандык каттамды ЯК–40 учагы 1995-жылы "Манас" эпосунун 1000 жылдык маарекесинен соң Кыргызстандын түштүк областтарына аткарган. Убагында Таластан Бишкекке, Ошко, Токтогулга жана Жалал-Абадга такай каттамдар учуп турган.

Талас областынын борборунан 58 чакырым алыс Манас районундагы Покровка аэродрому да таптакыр каралбай, 1990-жылдардын башында эле толугу менен иштен чыккан. (BAz/KE)

Азаттык Фейсбукта

XS
SM
MD
LG