Америка Кошмо Штаттары күрөш өнүккөн сегиз өлкөнүн тандалган балбандарын Нью-Йоркто чогултуп эл аралык турнир уюштурду. Бүгүн, 12-ноябрда эркин күрөш боюнча 55 килограмм салмакта кыргыз балбаны Самат Надырбек уулу баардык атаандаштарын жеңип, баш байгенин ээси болду. Ал финалда орусиялык Омак Сюрюнду 12:6 эсебинде утуп, алтын медал тагынды. Бул тууралуу “Азаттыкка” федерациянын вице-президенти Жеңиш Дөңбаев маалымдап, сүйүнчүлөдү. (КМа)
