Кытай, Орусия, Сауд Аравиясы жана Куба БУУнун адам укуктары кеңешине мүчө болушту. Булардын мүчөлүгүнө Freedom House жана Human Rights Watch уюмдары каршы пикирин билдиришти. Ошентсе да жаңы жылдан тарта БУУнун адам укуктары кеңешинде ишин баштай турган он төрт жаңы мүчөнүн ичине аты аталган өлкөлөр кошулду. Булардан башка Франция, Британия, Алжир, Марокко, Намибия, Түштүк Африка Республикасы, Мальдива, Мексика жана Македония бар.
