Линктер

logo-print
ишемби, 03-декабрь, 2016 Бишкек убактысы 08:31

Казанда жарылган Боинг 23 жыл учкан


"Татарстан" авиакомпаниясынын кырсыкка учураган Боинг–737-500 (VQ–BBN) учагы, Казань эл аралык аба майданы, 22-сентябрь 2011-ж.

"Татарстан" авиакомпаниясынын кырсыкка учураган Боинг–737-500 (VQ–BBN) учагы, Казань эл аралык аба майданы, 22-сентябрь 2011-ж.

Казандын эл аралык аба майданында жарылган "Татарстан" авиакомпаниясынын Боинг–737-500 учагы 1990-жылы чыгарылган. Учактар реестрине ылайык, VQ–BBN каттоосу бар самолёт аты аталган авиакомпанияда 2008-жылдан бери иштетилген.

117 жүргүнчү сыйымдуулугу бар кырсыктаган Боинг–737-500 "Татарстанга" чейин жети авиакомпанияда кызмат өтөгөн. Бул – "Татарстан" авиакомпаниясынын флотундагы ушул үлгүдөгү жалгыз учак болгон. Авиакомпанияда учурда бир Боинг–737-400, эки ТУ–154 жана төрт Аэробус–319 учактары бар.

"Татарстан" авиакомпаниясынын жалгыз Боинг–737-500 учагы 17-ноябрь жергиликтүү убакыт боюнча саат 19:25те конуп жатканда кырсыкка учурады. Бул тууралуу Татарстан Республикасы боюнча Орусиянын Өзгөчө кырдаалдар министрлигинин башкармалыгы маалымдады.

Москванын "Домодедово" аэропортунан Казанга бараткан учакта алдын-ала маалыматтар боюнча 44 жүргүнчү набыт кетти. Жүргүнчүлөрдөн тышкары, 363-рейсте 6 экипаж мүчөсү каза тапты, учакта бардыгы болуп 50 адам болгон. Росавиация өкүлдөрү самолёт эки жолу конгонго аракеттенгенин кошумчалады. Жарылуунун себептери тиешелүү органдар тарабынан иликтенет. (BAz)

Азаттык Фейсбукта

XS
SM
MD
LG