Мындай чечимди Бишкек шаардык кеңеши кабыл алды. Шаардык кеңештин депутаты Мирлан Жээнчороевдин “Азаттыкка” билдиришинче, акыркы учурда шаарда курулуп жаткан май куючу жайлар коопсуздук эрежелерине жооп бербей, шаардыктардын нааразылыгын жаратууда. Мындан улам шаардык кеңеш борбордо май куючу жайларды курууга 5 жылга мораторий жарыялады. Жээнчороев Бишкекте 80ден ашык май коюучу жай бар экенин айтып, бул шаардыктардын күйүүчү майга болгон талабын канааттандырат деп ишендирүүдө.
Буга чейин шаар тургундары турак үйлөрдүн жанына май куючу жайларды салууга нааразылыгын билдирип, митинг уюштурган болчу. (BkA)
Буга чейин шаар тургундары турак үйлөрдүн жанына май куючу жайларды салууга нааразылыгын билдирип, митинг уюштурган болчу. (BkA)
