"Ата-Журт" партиясынын лидери Камчыбек Ташиевдин уулу, 18 жаштагы Тимур Ташиев камакка алынды. Бул тууралуу "Азаттыкка" Бишкек шаардык милициясынан кабарлашты. Аны менен кошо дагы үч бала кармалды. Төртөө тең машинанын дөңгөлөгүн уурдаган деген шек менен 1-декабрдын түнүндө кармалып, шаардык милициянын убактылуу кармоочу жайына бекитилди. Октябр райондук ички иштер башкармалыгы бул күндөрү түнкүсүн "Авто-ууру" деген рейд жүргүзүп жаткан. (RK)
