Линктер

бейшемби, 8-декабрь, 2016 Бишкек убактысы 10:40

Өмүркулов: Отставкам кылмыш ишине байланыштуу эмес


"Иштен кетүүм мага карата козголгон кылмыш ишке байланыштуу эмес", - деп билдирди бүгүн маалымат жыйынында Бишкек мэрлигинен кетүү тууралуу арызын жазган Иса Өмүркулов.

- Ар нерсенин башталышы жана бүтүшү болот. Ошол сыяктуу менин ишмердүүлүгүм бүттү деп эсептейм. Аткарылбай калган иштер үчүн кечирим сурайм, - деди ал.

Өмүркулов мэр болуп турганда шаардын өнүгүүсүнө колунан келген салымын кошконун, жалпысынан 118 чакырым жол, Ош, Орто-Сай базарлары оңдолуп, жашылдандыруу, көрктөндүрүү жана башка иштер жүргүзүлгөнүн айтты.

2-декабрда Баш прокуратура Өмүркуловду Жеңиш паркынын чегин бузду деген айып менен ага карата кылмыш иш козгогон. Өмүркулов өзү мыйзам бузбаганын билдирген. (KJ/RK)

Азаттык Фейсбукта

XS
SM
MD
LG