Тогуз коргоол боюнча эл аралык мелдеш өтүүдө

Бишкектеги Улуттук китепканада залкар жазуучу Чыңгыз Айтматовдун 85 жылдыгына карата тогуз коргоол боюнча эл аралык мелдеш өтүүдө. Тогуз коргоол федерациясынын президенти Камчыбек Касымовдун “Азаттыкка” айтымында, мелдешке 200гө жакын спортчу катышууда. Акыл таймашы 13 айлампада швейцариялык тартипте ойнолууда. Учурда эр-азаматтардан Азия чемпиону, кыргызстандык Анарбек Жамакеев менен дүйнө чемпиону, казакстандык Галымжан Темирбаев, кыз-келиндерден Алтынай Шамбетова, Гүлжамал Сарыкеева жана башкалар топ баштап келүүдө. Турнирдин жеңүүчүлөрү
18-декабрда аныкталат. (КЕ/КМа)