Линктер

бейшемби, 8-декабрь, 2016 Бишкек убактысы 16:23

Баткен: Ак-Сайдагы жол ачыла элек


Баткендеги Ак-Сай айылындагы чек арадагы тирештен соң жабылган жолдор ачыла элек. Бул тууралуу учурда Баткенде жүргөн вице-премьер-министр Токон Мамытов “Азаттыкка” билдирди. Мамытовдун айтымында, ал кечээ Ак-Сай жана Көк-Таш айылынын тургундары менен жолуккан. Анда аксайлыктар Баткенге жетиш үчүн Тажикстандын айылын аралабай, аны айланып өтчү Ак-Сай-Тамдык-Көк-Таш жолунун курулушун талап кылып, ага чейин Ворухка кетчү жолду ачпай тургандыгын айтышкан:

- Мен кечээ Тажикстандын өкүлдөрү менен жолуктум. Анда Ворухтун ичиндеги жолду ачууну талап кылдым. Алар бүгүн өз тарабы менен сүйлөшүп, жолду ачууга убадасын берди. Андан соң гана биз Ак-Сайдын ичиндеги жолду ачууга аракет кылабыз. Бүгүн эл менен жолугушууларды улантып, түшүндүрүү иштерин жүргүзөбүз- деди Мамытов.

Ал эми Көк-Таш айлынын тургундары вице-премьер-министр менен жолуккан соң айыл кире беришинде тосулган жолду ачып, тарап кетишкен.

Ак-Сайда коңшулаш Тажикстандын жарандары менен чыр 17-декабрдын түнү аксайлык тургундун чайханасы өрттөлгөндөн кийин башталган. Айыл тургундары чайханага тажик жарандары от койду деп шектенип, Ворухка кирчү жолго шагыл төгүп, жолду жаап салышкан.(BkA)

Азаттык Фейсбукта

XS
SM
MD
LG