Бишкек шаарындагы №4 төрөт үйүндө Жаңы жыл алдында төрт эм төрөлдү. Бул тууралуу бүгүн "Азаттыкка" төрөт үйүнүн дарыгери Мурат Бектурсунов кабарлады. Анын айтымында, балдар 30-декабрда операция жолу менен алынды - эки кыз, эки уул. Тилекке каршы, эркек балдардын бири жатындан чыга электе эле чарчап калды. Калган ымыркайлар 1 кг 400 гр, 2 кг 10 гр, 2 кг 309 гр болуп төрөлдү. Учурда үчөөнүн тең абалы туруктуу, реанимация бөлүмүндө доктурлардын көзөмөлүндө жатат. Энеси - Бишкектин "Келечек" жаңы конушунун 30 жаштагы тургуну Бактыгүл Молдотаева буга чейин эки бала төрөгөн. Анын да абалы туруктуу.
Былтыр Бишкекте төрт үч эм жана бир төрт эм төрөлгөн болчу. (RK)
Былтыр Бишкекте төрт үч эм жана бир төрт эм төрөлгөн болчу. (RK)
