Линктер

logo-print
ишемби, 03-декабрь, 2016 Бишкек убактысы 06:32

Ариэл Шарон өлүм менен өмүрдүн ортосунда


Дээрлик сегиз жылдан бери эсине келбей жаткан Израилдин мурдагы премьер-министри Ариэл Шарондун абалын догдурлар өтө оор деп баалашууда. Жума күнү Тел-Авивге жакын жердеги "Тел а-Шомер" ооруканасынын башкы дарыгери Зеев Ротштейн “Шарон өлүм менен өмүрдүн ортосунда, анын эң маанилүү органдары иштебей жатат”,-деп билдирди.

Шарондун кашында эки уулу турат. 85 жаштагы Ариэл Шарон 2006-жылы жүрөгүнөн инсульт кармап, эс-учунан тангандан кийин жасалма дем алдырууга туташтырылган.

Шарон израил өкмөтүн 2001-2006-жылдары жетектеп турган. 2005-жылы жөөт конуштарын Газа тилкесинен көчүрүү боюнча буйрукка кол койгон. 1967-жылы алты күндүк согушта танк дивизиясын жетектеген, 1973-жылы Суэц каналы үчүн кармашта өзгөчөлөнгөн. Ушул окуялардан кийин Шарон Израилдеги өтө популярдуу адамдардын бирине айланган.

Азаттык Фейсбукта

XS
SM
MD
LG