Линктер

logo-print
жекшемби, 04-декабрь, 2016 Бишкек убактысы 09:55

Жарандарды Сирияга жөнөтүү аракетинде жүргөн адам аныкталды


Кыргызстандыктарды Сириядагы согушка жөнөтүп жатат деген шек менен Кызыл-Кыя шаарынын 20 жаштагы тургуну издөөгө алынды. Ага Кылмыш-жаза кодексинин “Жалданмачылык” беренеси боюнча кылмыш иши козголгонун Ички иштер министрлигинин басма сөз кызматы “Азаттыкка” билдирди.

Шектүү буга чейин Орусияда иштеп жүргөн. 2013-жылдын август айында Кыргызстанга келип, жаштарды Сирияга кетүүгө үгүттөй баштаган. Анын сунушу менен согушка жөнөөгө аракеттенип жаткан 19-20 жаштагы жергиликтүү беш тургун аныкталды. Алар менен күч кызматкерлери сүйлөшүүлөрдү жүргүзүп жатат.

Сирияга кетүүгө үгүттөп жүргөн жаран учурда Кыргызстанда экени айтылууда.
Буга чейин Баткен жана Жалал-Абад облусунан бир канча киши Сирияга кеткени аныкталган. (SE)

Азаттык Фейсбукта

XS
SM
MD
LG