Линктер

шаршемби, 7-декабрь, 2016 Бишкек убактысы 15:15

Кумтөр боюнча эл аралык эксперттер менен сүйлөшүү болот


Өкмөт башчы Жантөрө Сатыбалдиев бүгүн Кумтөр боюнча эл аралык эксперттер менен жолугат. Бул тууралуу “Азаттыкка” премьер-министрдин басма сөз катчысы Мелис Эржигитов билдирди. Анын айтымында, сүйлөшүүлөрдүн жүрүшүндө Кумтөргө байланыштуу маселелер каралып, тийиштүү чечимдер кабыл алынат.

Эл аралык эксперттер чет өлкөдөгү «ДЛА Пайпер» юридикалык уюмунан келген.

2013-жылдын сентябрында Жогорку Кеңеш өкмөткө Кумтөрдөгү Кыргызстандын үлүшүн 67% жеткирүүнү тапшырган. Эгер “Центерра Голд” ага макул болбосо, улутташтыруу чечими кабыл алынары эскертилген. Бирок 23-декабрда кыргыз өкмөтү сунуштаган долбоордо "Центерра Голд" менен Кыргызстандын үлүшү 50/50% бойдон калтырылган болчу.

Апта башында президент Алмазбек Атамбаев бул келишим Кыргызстандын кызыкчылыгына жооп бербейт деген жүйөө менен аны кайра чакырып алуу тапшырмасын бергени кабарланган. (SE)

Азаттык Фейсбукта

XS
SM
MD
LG