Кытайдын көзөмөлүндөгү Гонконг дүйнөдөгү эң эркин экономика бойдон кала берүүдө, ал эми Иран менен Украинанын экономикасы эркин эмес өлкөлөрдүн катарына кирди. Вашингтондо жайгашкан "Heritage" же "Мурас кору" деп аталган изилдөө институту "Уолл Стрит" басылмасы менен жүргүзгөн изилдөөгө ылайык, мурдагы советтик блокко кирген өлкөлөрдөн Эстония, Литва жана Чех жумурияты негизинен эркин деп аталды, ал эми Украина, Өзбекстан, Түркмөнстан, Иран жана Венесуэланын экономикасы кысым астында деп мүнөздөлдү.
