Орусия Сочи олимпиадасы аяктаганча дүйнө жүзүндө түрдүү чыр-чатак, согуштарды токтото турууга үндөдү. Бул билдирүү бүгүн Орусиянын Тышкы иштер министрлигинде жарыяланды. Анда айтылгандай, тынчтык чакырыгы биринчи кезекте үч жылдан бери кан төгүү токтобой жаткан Сирия мамлекетине жолдонду. Олимпиада оюндары өтүп жатканда согуш, чыр-чатактардын баарын токтото туруу салты Байыркы Греция тарыхынан бери белгилүү. (RK)
