Канатбек Исаев Чүй облусуна жетекчи болду

Өкмөттүн Чүй облусундагы өкүлү болуп Канатбек Исаев дайындалды. Тийиштүү буйрукка өкмөт башчы Жантөрө Сатыбалдиев бүгүн кол койду.

Исаев буга чейин Жогорку Кеңештин “Республика” фракциясынын депутаты болгон. Кийинчерээк фракциядан чыгып “Ынтымак” депутаттык тобуна кошулган.

Чүй облусун буга чейин Кубанычбек Кулматов жетектеген. Ал январь айында Бишкек шаарынын мэри болуп шайланган. (SE)