Украинанын жаңы өкмөтүнүн мүчөлөрү Киевдеги Көз карандысыздык аянтында эл алдында тааныштырылат. Президент Виктор Януковичти бийликтен кулаткан протестчилер менен украин саясатындагы негизги партиялардын өкүлдөрү ушундай чечимге келишти. Майдан кеңеши жаңы улуттук биримдик өкмөтүнүн мүчөлөрүнүн ысымдары бүгүн кечинде “Незалежности” (же Көз карандысыздык – ред.) аянтында аталаарын билдирди. Дал ушул жер акыркы үч айдан бери Януковичтин режимине каршылык көрсөткөндөрдүн топтолгон жайына айланган.
