Линктер

бейшемби, 8-декабрь, 2016 Бишкек убактысы 02:19

Караколдо “башаламандык уюштурган” деп кармалган 8 адамга сот өкүм чыгарды


Бишкектин Биринчи май райондук соту жума күнү өткөн жылдын октябрындагы Караколдогу башаламандыкка катыштыгы бар деп Наристе Калчаев менен Жыргалбек Мажитовду 8 жылга кести.

Айыпталуучулардын дагы экөөсү Саруу айылдык кеңештин депутаттары Каныбек Мадаминов менен Улан Чибутов 4 жылга, дагы төрт адам шартуу мөөнөткө кесилди.

Аларга “өмүрүнө коркунуч келтирүү”, “кишини барымтага алуу” “бейбаштык” “бийлик өкүлүнө күч колдонуу” жана башка айыптар тагылган.

Ысык-Көлдүн Жети-Өгүз районундагы Саруу айылынын тургундары былтыр жаз айларынан бери Кумтөр алтын кенин улутташтыруу талабы менен митингдерди, жол тосууларды уюштуруп келет.

2013-жылдын 7-октябрында Каракол шаарында болгон митинг облус башчысы Эмилбек Каптагаевди барымтага алуу менен коштолгон.

Аягында митингди милиция кууп таратып, 18 кишини камакка алган. Алардын айрымдары кийин үй камагына чыгарылган. (SA)

Азаттык Фейсбукта

XS
SM
MD
LG