Өнүккөн ири жети өлкөнүн лидерлери биргелешкен билдирүү таратып, анда “Орусия Украинанын эгемендүүлүгүн жана аймактык бүтүндүгүн бузгандыгы үчүн айыпташарын” белгилешкен. Билдирүүгө ошондой эле Европа кеңеши жана Европа комиссиясынын жетекчилиги да кошулган. Британия, Канада, Франция, Германия, Италия, Жапония жана АКШ кол койгон билдирүү жекшемби күнү Вашингтондо жарыяланды. Жети өлкөнүн лидерлери ошондой эле июнда Сочиде өтө турган "Чоң сегиздин" саммитине катышууга даярдыктарды токтотушканын да маалымдашкан. (AiT)
