Европа Комиссиясы Украинага 11 миллиард евро (15 млрд. доллар) көлөмүндөгү экономикалык жардам көрсөтөрүн жарыялады. Ал эми Москвада Орусиянын федералдык кеңеши өлкөдөгү америкалык жана европалык компаниялардын менчикти конфискациялоо боюнча мыйзам долбоорун даярдап жатат. «Эгер бул мыйзам жактырылса, президент Путин жана өкмөт «Орусиянын суверендүүлүгүн коргоого мүмкүндүк алат» деп билдирди Федералдык кеңештин Конституциялык мыйзам комитетинин жетекчиси Андрей Клишас.
