Мындай билдирүүнү Бириккен Улуттар Уюмунун Ооганстан боюнча элчиси Ян Кубиш БУУнун Коопсуздук Кеңешинде дүйшөмбү күнү жасады. Анын айтымында, 2010-жылдагы шайлоо мезгилине караганда зордук-зомбулук аз. Бирок 5-апрелге белгиленген президенттик шайлоо жакындаган сайын ал өсүүдө. Кубиш талиптердин шайлоону үзгүлтүккө учуратуу максаты олуттуу тынчсыздануу жаратып жатканын белгилеп, ошол эле мезгилде коркутууларга карабай оогандыктарды келечегин шайлап алууга чакырды. Ооган президенттигине тогуз талапкер ат салышууда. Жеңгени 2001-жылдан бери бийликте турган Хамид Карзайды алмаштырат. (AiT)
