Бириккен улуттар уюмунун Коопсуздук кеңеши Крым татарларынын маселесин бейформал мүнөздө карады. Ага татарлардын лидери Мустафа Жемилев да катышты. Бейформал жолугушууну Литванын БУУдагы өкүлчүлүгү уюштурган. Бул өлкөнүн БУУдагы элчисинин орун басары Рита Казрагиендин билдирүүсүнө караганда, жолугушуу Крым татарларынын арыз-муңун угууга мүмкүнчүлүк берди. Крымды аннексиялап алган Орусия жыйынга бойкот жарыялап, катышкан эмес. Коопсуздук кеңештин көпчүлүк мүчөлөрү Крым мыйзамсыз басып алынды деп, аны тааныбай келишет.
