Эмгек мигранттарынын каражаттарын максаттуу пайдалануу үчүн түзүлүп жаткан "Кенч казына" Акционердик коомунун алгачкы акциялары сатыла баштады. Андай финансылык структура түптөө демилгесин Түркиядагы кыргыз диаспорасынын өкүлдөрү көтөрүп чыгышкан. Ишембиде Стамбулдагы кыргыз ишкерлери менен коомдун өкүлү Умбриель Темиралиев жолугушуп, алгачкы 1 миң акция сатууга уруксат алынганын айтты. Бир акциянын баасы азырынча 50 миң сом болмокчу.
