Бүгүн Стамбулда Кыргызстандын Башкы консулдугунун жаңы кеңсесин ачуу салтанаты болот. Аны оңдоп-түзөө иштерине "Кыргызстан достук жана маданият" коому каржылык жактан жардам берди. Коомдун башкаруу кеңешинин төрагасы Айбек Сарыгулдун айтымында, консулдуктун имараты тар болгондуктан, кагаздарды бүтүрүү үчүн кээде сыртта күтүп турууга туура келчү. Жаңы кеңсе кыргыз маданиятын таанытуу, туристтерди тартуу иштери үчүн да пайдаланылмакчы. 2009-жылы түзүлгөн Достук коомуна 230 кыргызстандык кирет.
