Кыргыз-орус парламент аралык кызматташтык талкууланды

Бейшембиде Жогорку Кеңештин төрагасы Асылбек Жээнбеков Санкт-Петербург шаарында Орусия Мамдумасынын төрагасы Сергей Нарышкин менен жолукту. Бул тууралуу парламенттин маалымат кызматынан кабарлашты. Эки өлкө ортосундагы жана парламент аралык кызматташтык маселелери талкууланды. Ошондой эле Кыргызстандын Бажы биримдигине кошулуу жараяны боюнча да сөз болду.

Бул күндөрү Санкт-Петербургда КМШнын парламент аралык ассамблеясынын жыйыны өтүп жатат.(BkA)