Мамлекеттик "Газпром" компаниясынын шейшемби күнү билдиришинче, Батыштын Орусияга каршы санкцияларынын кеңейтилиши "Газпромдун" ишине жана акцияларынын баасына олуттуу зыян келтириши мүмкүн. "Киев менен газдын баасы боюнча талаш Европага Украина аркылуу газ экспорттоону үзгүлтүккө учуратышы ыктымал" деп белгиленет "Газпромдун" финансылык маалыматында. Компания Евробиримдиктин газга болгон керектөөсүнүн 30 процентин камсыздайт.
