Кытай экономикалык өсүүнүн жаңы нормасына көнүш керек жана экономикадагы өсүштүн төмөндөй баштаганын сабырдуулук менен кабыл алышы абзел. Президент Си Цзинпиндин мындай билдирүүсү соода жана өнөр жай тармагындагы өсүш жайлап калган кезде жасалды. Биринчи токсондо ички дүң жыйым 7, 4 процентке өскөн. Улуттук өкмөт жумушсуздуктун алдын алуу үчүн темир жол курулушу жана башка коомдук объекттердин курулушуна чыгымдарды көбөйттү. Өкмөттүк Синхуа агенттигинин 12-майда Си Цзинпинге шилтеп маалымдашынча, экономикалык өсүштү стабилдештирүү үчүн узак мөөнөттүк реформага көңүл бурулат.
