Жумгал: Ачкачылык кармаган апалар

20-февралда Нарындын Жумгал райондук сотунда соттолуучуларга өрт койгондугу үчүн камалгандардын жакындары алты күн бою нааразычылык акциясына чыгышты. Митингге чыккан отузга чукул аялдын алтоо ачкачылык жарыялашкан. Алар камактагылар бошотулуп, Нарын милициясынын башчысы Нарынбек Молдоисаевдин кызматтан алынышын талап кылып жатышат. Талаптар аткарылбаса жакынкы күндөрү Бишкекке барып, Ак үй алдында митингге чыгарын билдиришти. Милиция өзүнө коюлган дооматтарды четке кагууда.