Линктер

ишемби, 10-декабрь, 2016 Бишкек убактысы 21:08

Жалал-Абад: Ооган согушунда курман болгондорго эстелик тургузулду


Шаардын “Жеңиш” эс алуу багында ооган согушунда курман болгондордун урматына жоокердин курал кармап отурган айкели ачылды.

Бул тууралуу “Азаттыкка” Ооган согушунун Жалал-Абад облустук ардагерлер кеңешинин төрагасы Бекболот Жетибаев билдирди. Эстеликти орнотууга 1 миллион сомго жакын каражат жумшалган.

Ооган согушунун ардагерлер кеңешинин төрагасынын орун басары Тыныбек Кадыров жыл сайын Ооган апаатынан жарат алып келген ардагерлердин катары суюлуп жатканын айтып, алардын бала-бакыраларын мамлекет камкордукка алуу максатында Жогорку Кеңеште сунушталган мыйзам долбоору парламентчилер тарабынан колдоо табарына үмүт артаарын билдирди.

Ооган согушуна Жалал-Абад облусунан миңден ашуун атуул катышкан. (RsK/SA)

Азаттык Фейсбукта

XS
SM
MD
LG