Кыргызстандагы украин жарандары да добуш берүүдө

Украинадагы президенттик шайлоого Кыргызстандагы украин жарандары да добуш берип жатканын “Азаттыкка” Украинанын Кыргызстандагы убактылуу ишенимдүү өкүлү Николай Яремчук кабарлады. Анын айтымында, Кыргызстанда добуш берүү үчүн 140тан ашык украин жараны катталган. Алардын жарымынан ашыгы түшкө чейин Украинанын Бишкектеги элчилигинде ачылган добушканага келип, добуш беришти. Добушкана саат 20га чейин иштейт.

Бүгүн Украинада март айындагы бийлик алмашуудан соң мөөнөтүнөн мурда президенттик шайлоо өтүп жатат.(BkA)