Алайда кар жаап, чабандар тоодон түшө баштады

Алай районунун Сары-Могол жана Сары-Таш айыл аймактарында бүгүн жааган кардын калыңдыгы 20 сантиметрге жетти. Бул тууралуу Өзгөчө кырдаалдар министрлигинин басма сөз катчысы Абдишарип Бекилов “Азаттыкка” кабарлады. Кардын жаашы уланууда. Тургундардын суранычы менен жайлоого чыгып кеткен чабандарды мал-койлору менен кошо айылга алып түшүү аракеттери жүрүп жатат.

Кара-Кулжа районунун айрым аймактарына да кар жаап жатканы кабарланууда. (SE)