Линктер

ишемби, 10-декабрь, 2016 Бишкек убактысы 22:47
Бишкектин Биринчи май райондук соту өкмөт алдындагы Геология жана жер ресурстар боюнча агенттигинин мурдагы жетекчиси Учкунбек Ташбаевди 5 жылга жатак абакка (колоние-поселение) кести. Бул тууралуу аталган соттон кабарлашты. Маалыматка ылайык, сот Ташбаевди Кылмыш кодексинин 304-беренеси (Кызмат абалынан кыянаттык менен пайдалануу) жана 316-беренеси (Шалаакылык) боюнча күнөөлүү деп тапты.

Улуттук коопсуздук боюнча мамлекеттик комитет Учкунбек Ташбаевди 2012-жылдын ноябрь айында камакка алган. Ага кызматынан кыянаттык менен пайдаланып, мыйзамсыз жол менен лицензия берген деген айып тагылган болчу.

37 жаштагы Ташбаев 2010-жылга чейин Өнүктүрүү, инвестиция жана инновация боюнча борбордук агенттиктин жетекчисинин орун басары, ал эми Апрель ыңкылабынан соң экономика министри, андан соң Геология жана жер ресурстары боюнча агенттигинин жетекчиси кызматтарын аркалаган.(BkA)

Азаттык Фейсбукта

XS
SM
MD
LG