Линктер

жума, 9-декабрь, 2016 Бишкек убактысы 23:31

Талды-Булактын алтыны быйыл казылып алына баштайт


Кеминдеги “Талды-Булак Сол жээк” кенинен алгачкы алтын быйыл сентябрь айында казылып алына баштайт. Бул тууралуу өкмөт башчынын биринчи орун басары Тайырбек Сарпашев парламентте билдирди.

Кенди иштетип жаткан “Алтынкен” компаниясынын 60% Кытайга, 40% үлүшү Кыргызстанга таандык. Кытайлык компания аталган кенди иштетүү укугун 2011-жылы сатып алган. Бул кен алтындын запасы боюнча Кыргызстанда “Кумтөрдөн” жана “Жерүйдөн” кийинки үчүнчү орунда турат.

“Талды-Булак Сол жээк” алтын кени 80-жылдары советтик геологдор тарабынан чалгындалып, анда 78 тоннадан ашуун алтын запасы бар экени аныкталган. Бирок геологдор кенди толук чалгындаса анын алтын запасы 100 тоннадан жогору болушу мүмкүн экенин божомолдошкон. (KJ)

Азаттык Фейсбукта

пикирлерди көрсөт

XS
SM
MD
LG