Ирактын мамлекеттик маалымат каражаттарынын билдиришинче, Ирактын өкмөттүк аскерлери тарабынан “Ирак жана Леванттагы ислам мамлекети” аттуу радикал жихадчылар тобунун 40 жоочусу жок кылынды. Ирак аскерлеринин авиасоккусунан жети жай тургун дагы мерт болгону айтылууда. Өткөн аптада согушчандар Мосул, Тикрит, Таль-Афар шаарларын басып алышкан. Буга байланыштуу Ирактын премьер-министри Нури Малики бир нече жогорку даражадагы офицерлерди козголоңчу-сунниттерди токтото албагандыгы үчүн кызматтан алган.(AzK)
